Futbollisti shqiptar i Kombëtares së Zvicrës, Albian Ajeti, përmes një postimi në Insta Story ka bërë të ditur se ndjehet shumë i pikëlluar me lajmin për vdekjen e futbollistes shqiptare Floriana Ismaili.

“Shumë i pikëlluar me lajmin se Floriana ka ndërruar jetë. Shpreh ngushëllimet e mia më të thella për familjen Ismaili. Të pushoftë shpirti në paqe Floriana”, ka shkruar Ajeti.

Gjithashtu, futbollisti tjetër shqiptar, mesfushori i Arsenalit dhe lojtari i Kombëtares së Zvicrës, Granit Xhaka ka shprehur ngushëllimet e tij për Floriana Ismailin përmes një postimi në “Insta Story”.

Ai ka postuar fotografinë e Ismailit dhe ka shkruar: “Ngushëllime”.