Policët i kanë kthyer paratë një qytetari serb që i kishin humbur në pikën kufitare në Bërnjak.

Policia njofton se bëhej fjalë për 200 euro dhe 1,510 dinarë.

Njoftimi i plotë i policisë:

Me datë 20.02.2024 nga ana e zyrtarëve policor të policisë kufitare janë ndërmarrë veprime përmes rrugëve operative për identifikim të një personi të cilit i kishte rënë një shumë parashë në pikë kalimin kufitar në Bërnjak, në hyrje të Republikës së Kosovës. Pas veprimeve të ndërmarra është identifikuar personi mashkull/serb ku në konsultim me prokurorin e shtetit i njëjti është intervistuar dhe pas kryerjes së procedurave të parapara i janë kthyer paratë e humbura në vlerë prej 200 (dyqind) euro dhe 1510 (njëmijë e pesëqind e dhjetë) dinarë. Policia e Kosovës mbetet e përkushtuar që në vazhdimësi të kryej detyrat e saj në nivelin më të lartë të profesionalizmit dhe përgjegjësisë për të gjithë qytetarët pa dallim.