Urologu i njohur, dr. Bashkim Gllareva, është pjesë e listës së Partisë Demokratike të Kosovës (PDK) në garën për deputet në zgjedhjet e 28 dhjetorit.

Ai në listën e PDK-së mban numrin 59.

Si mjek i respektuar, dr. Gllareva ka qenë pranë mijëra qytetarëve dhe është doktori që e operoi ish-presidentin Hashim Thaçi, duke dëshmuar profesionalizëm dhe besueshmëri të jashtëzakonshme.

Përmes një postimi në “Facebook”, dr. Bashkim Gllareva ka thënë se në këtë garë po hyn i përkushtuar që të përfaqësojë interesin e qytetarëve me përgjegjësi, ndershmëri dhe vizion.

“I përkushtuar të përfaqësoj interesin e qytetarëve me përgjegjësi, ndershmëri dhe vizion. 59 është numri që flet dhe mendon si ju!”, ka shkruar Gllareva.