Pjesëtarët e Komandës Rajonale-Lindje të KFOR-it kanë dhuruar pajisje sportive për futbollistët e rinj të klubit FC Dardanët në Podujevë.

Aktiviteti është organizuar nga ekipi për Bashkëpunim Civilo-Ushtarak i kësaj komande.

Pas dorëzimit të pajisjeve, pjesëtarët e KFOR-it kanë zhvilluar një ndeshje miqësore me futbollistët e rinj të klubit.

Sipas KFOR-it, aktiviteti synon forcimin e lidhjeve me të rinjtë dhe mbështetjen e zhvillimit të tyre.

“Kjo nismë dëshmon përkushtimin e vazhdueshëm të KFOR-it për bashkëpunim me partnerët lokalë”, ka njoftuar KFOR-i.