Abdixhiku: Brengosës fakti që qeveria e ShBA-së shprehet e zhgënjyer nga ajo e Kosovës

28 tetor 22:54

Kryetari i LDK-së, Lumir Abixhiku, ka thënë se është tejet brengosës fakti që qeveria amerikane është shprehur e zhgënjyer dhe e shqetësuar nga veprimet e Qeverisë së Kosovës në lidhje me vendimin për targa.

Abdihxiku tha se në kohë të zhvillimeve të ndjeshme politike, Qeveria e Kosovës duhet të trajtojë me kujdes relacionet me partnerët e përhershëm dhe strategjikë siç janë ShBA-ja dhe BE-ja.

“Institucionet e vendit duhet t’i trajtojnë me ndjeshmëri të lartë rekomandimet dhe kërkesat e miqve tanë. Sjellja me arrogancë ndaj kërkesave të partnerëve tanë, dëmton interesat strategjike të vendit dhe mund të prodhojë pasoja afatgjata në rrugëtimin tonë politik. Siç na mëson e shkuara, këto marrëdhënie janë fundamentale për të fituar një pozicion më të mirë ndërkombëtar për vendin tonë si dhe për të ndjekur synimet tona strategjike”.

“E drejta e zbatimit të ligjit në gjithë territorin e vendit, e ritheksuar në këto rekomandime ndërkombëtare, duhet të vlerësohet si garancë për vendin tonë. Kosova ka çdo të drejtë në vendosjen e ligjshmërisë; siç dhe e ka domosdoshmëri koordinimin me aleatë në ndjekjen e synimeve strategjike”, ka thënë Abdixhiku.

Këto komente, Abdixhiku i bëri në Dragash, gjatë ciklit debatues “LDK ju dëgjon” që partia e tij po e bën.

“Në Dragash, kryetari Abdixhiku dëgjoi nga afër për problemet e qytetarëve; rritjen e çmimeve, problemet në sektorin e energjisë, si dhe prezantoj konkretisht alternativën dhe programin praktik se si duhet të zgjidhen këto probleme”, thuhet në njoftimin e LDK-së, transmeton Klankosova.tv.

Kujtojmë se sot Qeveria e Kosovës mori vendim që të gjithë pronarët e veturave që kanë targa ilegale, nga 1 nëntori deri më 21 nëntor do të qortohen nga Policia e Kosovës.

Ndërsa, nga 21 nëntori deri më 21 janar ata do të gjobiten, kurse nga 21 janari deri më 21 mars do të vendosen targa provuese.

Lajme të sponsorizuara

Të fundit
Mbreti Charles është shpallur si kreu ceremonial i Marinsave Mbretërore…