Kryetari i Federatës së Futbollit të Kosovës, Agim Ademi e ka uruar kampionen e Kosovës, Ballkanin për fitoren në UEFA Conference League ndaj Shkupit (1-2).

“Përgëzoj futbollistët e FC Ballkani, stafin e trajnerëve, drejtuesit e klubit dhe tifozët ‘Xhebrailat’ për këtë sukses, me shpresë për paraqitje dinjitoze dhe sukses edhe në ndeshjen e kthimit në stadiumin ‘Fadil Vokrri’”, ka shkruar Ademi.

Urimi i Ademit për fitoren e Ballkanit:

Urime fitorja FC Ballkani ??⚽️??

Një tjetër paraqitje fantastike e kampionit tonë në UEFA Conference League.

Fitorja si mysafirë në ndeshjen e parë të ‘play-off’-it, në duel me skuadrën shqiptare nga Maqedonia e Veriut, FC Shkupi, u jep forcë dhe ua shton vetëbesimin djelmoshave portokallezi për ta realizuar atë që deri më tash nuk e ka arritur asnjë skuadër e jona – pjesëmarrjen në fazën e grupeve të një gare evropiane.

Përgëzoj futbollistët e FC Ballkani, stafin e trajnerëve, drejtuesit e klubit dhe tifozët ‘Xhebrailat’ për këtë sukses, me shpresë për paraqitje dinjitoze dhe sukses edhe në ndeshjen e kthimit në stadiumin “Fadil Vokrri”.

Është fat i mirë që njëra prej dy skuadrave shqiptare do të kualifikohet në fazën e grupeve, por natyrshëm në këtë rast duam dhe urojmë që të jetë FC Ballkani.

Urime e ju priftë e mbara!

A.A.