Bayerni fiton titullin në Bundesliga

27 maj 2023 | 17:36

Bayern Munchen ka arritur që të shpallet kampion në Bundesliga, ndonëse pakkush e kishte pritur.

“Bavarezët” triumfuan 1-2 në udhëtim ndaj Kolnit, me golin e shënuar në minutat e fundit, gol që ia siguroi titullin e kampionit.

Coman kaloi mysafirët në epërsi në minutën e tetë, kurse barazimi erdhi në të 81-tën nëpërmjet Ljubiqiq nga penalltia. Dhe kur të gjithë po mendonin se Dortmundi do ta festonte titullin e kampionit, kështu në mendoi Musiala që realizoi në minutën e 89-të.

E në anën tjetër, Borussia Dortmund barazoi 2-2 me Mainz, duke e lëshuar nga duart titullin në ndeshjen e fundit. Mysafirët shënuan dy gola të shpejtë, duke shkuar në pushimin mes pjesëve me epërsinë 0-2.

Guerreiro ngushtoi epërsinë në minutën e 69-të, kurse në sekondat e fundit realizoi Sule, por ishte e pamjaftueshme për ta festuar titullin e kampionit. Në fund, ishte Bayern Munchen i cili iu gëzua titullit të 33-të në Bundesligë dhe të 11-tit radhazi.

Lajme të sponsorizuara

Të fundit
Ministri i Jashtëm i Serbisë, Ivica Daçiq, ka thënë sot…