Ambasadori i Bashkimit Evropian (BE) në Kosovë, Dirk Schuebel, ka bërë me dije se BE-ja do të vazhdojë mbështetjen dhe investimet në Prishtinë.

Këtë premtim, Schuebel e ka bërë të hënën pas takimit me kryetarin e Prishtinës, Përparim Rama. “Mbështetja e BE-së për zhvillimin e Prishtinës ishte në qendër të takimit tim të parë me kryetarin Përparim Rama”, ka shkruar Schuebel në platformën “X”, duke theksuar rëndësinë e demokracisë në nivel lokal.

Ai ka deklaruar se BE-ja do të vazhdojë investimet në infrastrukturën publike, lëvizshmëri, efikasitet energjetik dhe mbrojtjen e mjedisit.

Sipas Schuebelit, këto investime do të lidhen edhe me përgatitjet për Lojërat Mesdhetare 2030, të cilat do të organizohen nga Kosova pas katër vjetësh.