Deputeti i Kuvendit të Kosovës, Sllobodan Petroviq, sot është sulmuar nga dy anëtarët e Listës Serbe.

Ngjarja ka ndodhur  në një restorant në Prishtinë afër objektit të Kuvendit të Kosovës, raporton “RTKlive”.

Rasti është konfirmuar nga vetë deputeti Sllobodan Petroviq.

Pas këtij incidenti ka reaguar Policia e Kosovës ku personin që e ka provokuar deputetin Petroviq është marrë në pyetje.

Këto sulme ndodhin pas thirrjeve publike të presidentit Vuçiq kundër Sllobodan Petroviqit dhe serbëve të tjerë, të cilët nuk janë në Listën Serbe.