Haradinaj mbështet projektin e ujit për 100 fshatrat e Gjakovës, Prizrenit dhe Rahovecit

10 janar 2018 | 12:15

Kryeministri i Republikës së Kosovës, Ramush Haradinaj, ka pritur sot në takim menaxhmentin e Kompanisë Rajonale të Ujësjellësit “Gjakova”, të udhëhequr nga drejtori Ismet Ahmeti.

Në takim është biseduar për vazhdimin e fazës së dytë të zhvillimit të projektit për furnizim me ujë të pijshëm të 100 fshatrave në komunat Gjakovë, Rahovec dhe Prizren.

Në këtë takim ishin të pranishëm edhe ministri i Financave, Bedri Hamza dhe ministri i Zhvillimit Ekonomik, Valdrin Lluka.

Në takim është dakorduar që të vazhdojë mbështetja financiare, e mbetur në gjysmë për finalizim e fazës së dytë të këtij projekti, i cili planifikohet të përfundojë në shtator të 2018-tës.

Nga ky projekt do të përfitojnë direkt familjet e 100 fshatrave nga këto komuna të cilët do të furnizohen me ujë të pijshëm.

Kryeministri Haradinaj e ka vlerësuar shumë të rëndësishëm realizimin e këtij projekti, duke thënë se është i domosdoshëm për përmirësimin e jetës së qytetarëve, dhe premtoi mbështetjen e Qeverisë për të gjitha projektet që janë në shërbim të rritjes së mirëqenies së qytetarëve.

Fjalët Kyçe:

Lajme të sponsorizuara

Të fundit
Nga Jakup Krasniqi Një ministër i Qeverisë së Shqipërisë, i…