Haskuka, Osmani, ministra e deputetë marrin pjesë në ecjen ‘Garë për shërim’

27 shtator 13:37

Kryetari i Komunës së Prizrenit, Mytaher Haskuka, së bashku me kryetaren e Kuvendit të Kosovës, Vjosa Osmani, ministra e deputetë, drejtorë e zyrtarë komunalë, mori pjesë në ecjen “Race for the Cure (garë për shërim)”, e cila u organizua nga shoqata “Renesansa”, në përkrahje të të mbijetuarave dhe atyre që po e luftojnë kancerin e gjirit.

“Fakti se numri i të prekurve nga kanceri i gjirit po rritet për çdo vit është mjaft shqetësues dhe për fat të keq me shqetësime të tilla po përballet edhe vendi ynë”, ka thënë Haskuka.

Ai ka treguar se si Komunë e Prizrenit, gjatë tri viteve të fundit janë munduar maksimalisht të kontribuojnë në zbulimin e hershëm të kancerit, duke ofruar këto shërbime në shëndetësinë primare: 2 586 shërbime të analizave për tumor markerë – vetëm për gjashtë muaj të këtij viti; 2 692 ekzaminime të ultrazërit të gjirit gjatë periudhës 2018-2020; 1 734 ekzaminime të mamografisë gjatë periudhës 2018-2020, si dhe mbështetje financiare në vlerë prej 217,200 euro për 724 persona të sëmurë nga kanceri, përfshirë këtu edhe ato të kancerit të gjirit.

 

Lajme të sponsorizuara

Të fundit
Kryeministri i Shqipërisë, Edi Rama, ka bërë të ditur se…