Hydajet Hyseni u drejtohet deputetëve me ‘delegatë’, më pas u kërkon falje
07 korrik 2022
| 12:30
Deputeti i Kuvendit të Kosovës, Hydajet Hyseni, gjatë fjalës së tij para deputetëve u është drejtuar atyre me epitetin “delegatë”.
Pas kësaj, Hyseni u ka kërkuar falje deputetëve për këtë mënyrë të të drejtuarit.
“Të nderuar delegatë, deputetë më falni”, është shprehur deputeti Hyseni, duke vazhduar me paraqitjen e Projektligjit për Shërbimin Korrektues të Kosovës.
Ky projektligj nuk ka marrë votat e mjaftueshme për shkak të mungesës së kuorumit në vendimmarrje.