Kritika gjermane për opozitën shqiptare: Parlamenti të mos anashkalohet

14 mars 2019 | 17:01

E konsiderojmë të papërgjegjshëm bojkotin e Parlamentit nga partitë opozitare. Demokracia nuk funksionon në këtë mënyrë.

Kështu ka deklaruar sekretari i Shtetit në Ministrinë e Jashtme gjermane, Michael Roth. Duke folur për “Deutsche Welle”-n pas takimit në Berlin me ministrin e Jashtëm në detyrë, Gent Cakaj, ka thënë se shqetësimi i tij është ai që kanë përcjellë në kor edhe zëra të tjerë të komunitetit ndërkombëtar.

“Ne kërkuam që të ndërhyhet për zbutje, por kam frikë se situata tashmë është shumë e helmuar”, ka thënë Roth, duke treguar se cili është qëndrimi i tij lidhur me akuzat e opozitës se, qeveria i ka blerë votat në zgjedhjet e mëparshme, gjë që e bën sipas saj Parlamentin jolegjitim.

“Akuzat duhet të bëhen me anë të institucioneve të shtetit të së drejtës. Si mund të bëhen ndryshe? Shteti i së drejtës nuk mund të anashkalohet duke ndalur punën në Parlament. Demokracia nuk funksionon në këtë mënyrë. Kush vepron kështu, me sa duket nuk i ka kuptuar parimet e shtetit të së drejtës”, ka thënë Roth.

Ngërçi i krijuar ka bërë që të hidhen hije dyshimi mbi çeljen e negociatave të anëtarësimit të Shqipërisë në BE.

“Procedura është shumë e qartë: raporti i progresit të Komisionit Evropian do të publikohet më 29 maj”, ka thënë ai.

Fjalët Kyçe:

Lajme të sponsorizuara

Të fundit
Sulmuesi i Bayern Munchen, Robert Lewandowski është shprehur i pakënaqur…