Ligji për zgjedhjet, ‘përplasen’ deputetet Haxhiu dhe Izmaku

16 prill 2019 | 17:23

Deputetja e Partisë Demokratike të Kosovës, Xhevahire Izmaku dhe ajo e Lëvizjes Vetëvendosje, Albulena Haxhiu janë përplasur gjatë ditës së sotme në Komisionin për Legjislacion.

Arsyeja e gjithë kësaj ishte ndryshimi i Ligjit të zgjedhjeve të përgjithshme.

Deputetja Izmaku ka kërkuar që Komisioni për Legjislacion të mos e shqyrtojë këtë pikë, pasi sipas saj komisionit në fjalë po i humb kredibiliteti.

Ajo madje i është drejtuar koleges Haxhiu se po sillet me arrogancë dhe se e ka marrë më shumë zemër këtë çështje.

Ndërkohë, deputetja Haxhiu ka reaguar, duke thënë se nuk i jep llogari deputetes Izmaku.

Dje në Kuvendin e Kosovës është krijuar një komision “ad-hoc” për përmirësimin dhe forcimin e procesit zgjedhor.

Deputeti i pavarur, Korab Sejdiu, ka thënë se ky ndryshim është për t’ua lehtësuar diasporës mënyrën e votimit, i cili sipas tij, duhet të bëhet në ambasadat apo konsullatat e Kosovës ku ata më afër jetojnë. /Kosovapress/

Lajme të sponsorizuara

Të fundit
Komuna e Prishtinës ka bërë me dije se nga tani…