Deputeti slloven në Parlamentin Evropian, Matjazh Nemec, është emëruar si raportues për heqjen e vizave për serbët në Kosovë.

Lajmin e ka bërë vet Nemeci në platformën “X”, duke shtuar se në Ballkanin Perëndimor të vetmit janë serbët e Kosovës që nuk kanë liberalizim të vizave.

“Komisioni për Punë të Brendshme të PE-së më ka emëruar zyrtarisht si raportues për lëshimin e vizave për serbët e Kosovës, të cilët janë mbajtës të pasaportave speciale dhe janë të vetmit në Ballkanin Perëndimor që kanë nevojë për vizë për të udhëtuar në BE. Shpresoj për një pranim të shpejtë!”, ka shkruar ai.