Sulmuesi i Bayern Munich, Thomas Muller, ka thënë se është i gatshëm të rikthehet në Kombëtaren e Gjermanisë, nëse trajneri Joachim Low ndryshon mendje dhe vendos ta thërras, pas humbjes historike 6:0 që ia shkaktoi Spanja në Ligën e Kombeve.

Ylli i Bayernit foli për “Sky Sport Germany” rreth dhimbjes që e kishte ndier pas turpit që Spanja ia shkaktoi Gjermanisë. “Natyrisht se të dhemb. Natyrisht se vuan për bashkëlojtarët në klub, për lojtarët që i njeh, me të cilët ke luajtur dhe po ashtu për tifozët”, ka thënë Muller.

“Siç kam thënë, asnjëri nga ne nuk kemi dhënë dorëheqje nga Kombëtarja”, ka shtuar Muller.