Kryetari i Federatës së Futbollit të Kosovës, Agim Ademi ka marrë pjesë në turneun memorial në nderim të veteranit të UÇK-së dhe veteranit të futbollit të KF Drenica, Idriz Prekazi.

Ademi në llogarinë e vet në “Facebook” ka shkruar se “Idriz Prekazi ishte kontribues i madh i çështjes kombëtare, veprimtar i lirisë dhe i futbollit, por njëkohësisht edhe humanist dhe i dashur për të gjithë”.

Postimi i plotë i Ademit:

Sot mora pjesë në turneun memorial për veteranin e UÇK-së dhe veteranin e futbollit të KF Drenica, Idriz Prekazi.

Idrizi jetoj pak dhe na la i ri, por ai pati vepra sikur të jetonte 200 vjet.

Ai ishte kontribues i madh i çështjes kombëtare, veprimtar i lirisë dhe i futbollit, por njëkohësisht edhe humanist dhe i dashur për të gjithë.

Lavdi veprës së tij!