Simmons e pyet Lajçakun për interesat e popullit të Kosovës
Ish-shefi i gjykatësve të EULEX-it, Malcolm Simmons, i ka reaguar të dërguarit special të Bashkimit Evropian për dialogun Kosovë-Serbi, Miroslav Lajçak, i cili pas takimit me ushtruesen e detyrës së presidentes së Kosovës Vjosa Osmani, ka thënë se prioritetet e BE-së janë gjithashtu krijimi i vendeve të reja të punës dhe luftimi i korrupsionit.
Në një reagim në llogarinë e vet në “Twitter”, Simmons e ka pyetur Lajçakun se çfarë ka për të thënë lidhur me interesant, aspiratat dhe prioritetet e popullit të Kosovës.
“Ah, po. Gjithmonë ‘prioritetet’ e BE-së. Por çka rreth interesave, aspiratave dhe ‘prioriteteve’ të popullit të Kosovës, z. Lajçak?”, ka shkruar Simnons.
Ah, yes. Always the "priorities of the EU". What about the interests, aspirations and 'priorities' of the people of Kosovo Mr. Lajcak? https://t.co/QYEbngzwBr
— Judge Malcolm Simmons (@SimmonsJudge) March 2, 2021
Të dielën, Simmons e ka këshilluar Kosovën që të dalë me deklarata më të ashpra dhe më të drejtpërdrejta ndaj Bashkimit Evropian, lidhur me mosliberalizimin e vizave.
Simmons kishte thënë se është koha që Kosova t’i thotë BE-së “jemi lodhur nga lojërat e juaja”.
“A nuk është koha që Kosova t’i thotë BE-së: “Ne jemi lodhur nga lojërat që po i luani. Nuk do të ketë bashkëpunim të mëtejshëm me ju përveç dhe derisa të shohim ndonjë përparim nga pala e BE-së”?”, kishte shkruar Simmons.
Is it not time that Kosovo said to the EU: "We are tired of the games you are playing. There will be no further cooperation with you unless and until we see some progress from the EU side"? https://t.co/6nSgtts0bt
— Judge Malcolm Simmons (@SimmonsJudge) February 28, 2021