Thaçi: Shtylla më e fortë e ekonomisë janë punëtorët

01 maj 2018 | 11:33

Presidenti i Kosovës, Hashim Thaçi, duke uruar 1 Majin ka thënë se u bashkohet kërkesave të punëtorëve për kushte më të mira të punës dhe për më shumë të drejta.

Ai ka deklaruar se shteti duhet të ketë një përkujdesje më dinjitoze për të gjitha kategoritë shoqërore, dhe sipas Thaçit, shtylla më e fortë e ekonomisë dhe Republikës sonë padyshim se janë të gjithë punëtorët.

“Çdo punëtor në Kosovë, sot vlerësohet më shumë se në të kaluarën. I kemi rritur disa herë pagat dhe tash ato janë pothuajse në nivel të barabartë me vendet e rajonit. Kemi hartuar ligje moderne që mbrojnë të drejtat e punëtorëve, por kërkohet një zbatim dhe monitorim më i mirë i tyre. Varësisht prej vendeve dhe kulturave të tyre, ka pikëpamje të ndryshme për 1 Majin, por kjo ditë gjithmonë është festuar te ne. Duke ua uruar të gjithëve festën, unë ndaj shqetësimin me të gjithë punëtorët, si të sektorit publik, ashtu edhe të atij privat, si dhe u bashkohem kërkesave të tyre për kushte më të mira të punës dhe të drejta më shumë për punëtorët. Si shtet i ri duhet të kemi një përkujdesje më dinjitoze për të gjitha kategoritë shoqërore, ku shtylla më e fortë e ekonomisë dhe Republikës sonë padyshim se janë të gjithë punëtorët”, ka shkruar Thaçi në llogarinë e vet në “Facebook”.

/Epoka e re/ 

Lajme të sponsorizuara

Të fundit
Trajneri Jupp Heynckes është optimist se skuadra e Bayern Munchen…