Badoci dhe Batllava, më pak ujë; ujësjellësi: Mos e keqpërdorni ujin

05 korrik 08:03

Kompania rajonale e ujësjellësit “Prishtina” ka dalë me një thirrje për konsumatorët e saj që ta përdorin ujin në mënyrë më racionale.

Kompania thotë se çdo ditë e më shumë po rriten  kërkesat për ujë të pijshëm, ndërsa ka rënie të nivelit në dy liqenet prej ku merret uji për furnizim.

“Niveli i ujit në  liqenin e Batllavës sot është minus 1.52  metra nën kuotën maksimale të kapërderdhjes, ndërsa niveli i ujit në liqenin e Badocit minus  7.90  metra nën kuotën maksimale të kapërderdhjes. Të gjithë jemi përdorues të ujit, prandaj ne jemi edhe përgjegjës për ta shfrytëzuar atë në mënyrë të drejtë”, thuhet në komunikatën e ujësjellësit. Të shpenzojmë ujin e pijshëm për nevoja shtëpiake dhe assesi për destinime të tjera të pa arsyeshme”.

KRU “Prishtina” thotë se me të gjitha kapacitetet teknike trajtuese është duke bërë shpërndarje të barabartë të ujit të pijshëm te të gjithë konsumatorët.

“Ujin e zëvendëson vetëm uji! Andaj, t’i ruajmë dhe mbrojmë burimet e ujit për periudhat vijuese! Dje dhe sot uji po keqpërdoret me të madhe, me ç’rast pikat e larta të furnizimit po kanë vështirësi në furnizim të rregullt me ujë”, është thënë në deklaratën e KRU “Prishtina”.

Lajme të sponsorizuara

Të fundit
Kryepeshkopi i rajonit perëndimor të Belgorodit të Rusisë ka bërë…