Limaj: Nuk pranojmë asnjë marrëveshje e cila është në dëm të Kosovës

16 janar 13:13

Ekipi shtetëror për bisedime me Serbinë ka mbajtur të mërkurën takimin e radhës.

Pas këtij takimi, bashkëkryesuesi i këtij ekipi, Fatmir Limaj, ka thënë se kanë diskutuar për platformën e dialogut me Serbinë.

Limaj ka bërë me dije se ky ekip do ta procedojë Kryesinë e Kuvendit të Kosovës platformën për bisedime me Serbinë.

Ai ka thënë se ekipi shtetëror ka mandat nga Kuvendi i Kosovës dhe Kushtetuta dhe se nuk do të diskutohet për tema të cilat cenojnë interesin e Kosovës.

Më tutje, Limaj është shprehur i sigurt se Kosova do të flas me një zë në raport me bisedimet me Serbinë.

“Platforma dhe marrëveshja eventuale do të jetë në interes të vendit tonë. Një marrëveshje e cila nuk është në interes të vendit kurrë mos u votoftë. Nuk besoj që dikush sjell marrëveshje që dëmton vendin”, ka thënë Limaj, duke shtuar se nuk do të pranojnë asnjë marrëveshje me Serbinë, e cila nuk është në interes të Kosovës.

“Nuk pranojmë gjëra që dëmtojnë vendin. Mos harroni jemi njerëz të këtij vendi dhe nuk pranojmë gjëra që dëmtojnë vendin”, është shprehur Limaj.

Fjalët Kyçe:

Lajme të sponsorizuara

Të fundit
Kryetari i Odës Ekonomike të Kosovës (OEK), Berat Rukiqi, në…