Osmani njofton ambasadoren franceze për takimet me Vetëvendosjen

15 nëntor 2019 | 16:06

Nënkryetarja e Lidhjes Demokratike e Kosovës (LDK), Vjosa Osmani është takuar të premten me ambasadoren e Francës në Kosovë, Marie Christine Butel.

Në këtë takim, Osmani e ka njoftuar ambasadoren franceze për qëndrimet e LDK-së për situatën aktuale politike dhe për takimet e grupeve punuese të LDK-së me ato të Vetëvendosjes për përafrimin e programeve të të dy partive drejt një programi të përbashkët qeverisës.

Më tutje, Osmani ka folur për prioritetet e LDK-së për institucionet e ardhshme të Kosovës me theks të veçantë luftën kundër krimit dhe korrupsionit, shëndetësinë, dialogun Kosovë-Serbi dhe liberalizimin e vizave.

Gjithashtu në këtë takim është diskutuar për mundësitë e thellimit të bashkëpunimit dypalësh me Francën në fusha të ndryshme.

/Epoka e re/

Lajme të sponsorizuara

Të fundit
Kryetari i Komunës së Gjilanit, Lutfi Haziri, i shoqëruar nga…